Bi Schneegschtöber simmer hüt, d Judith, Cornelia, Föx, Roland, Emil, Heinz, Giorgioff & ich vum Tschowanni bi dr Casa dei Fratello empfangä wordä. Bald hät üüs dä dr Mentor zunärä Wisä gfüärt i dr Breiti obä. Bewaffnet mit Plastiggsegg und Schpezialstächgablä hämmer üüs dä uf z uusstächä vu dr viilgeliäbtä stumpfblettrigä Ampfer gmacht.
(Rumex obtusifolius)
Der Mentor
Dirty Coni
Roland
Judith und Emil
Diä cheibä händ dä nuch ä zümpftigi Wurzlä gha und mir händ rächt müässä heblä. Dr Roland und ich händ dä nuch dr Zuu kontrolliärt und diä morschä Pfööl ersetzt.Diä mit dem Uuchruut vollnä Segg hämmer dä verladä und sind zum Stützpunggt gfarä.
Heinz, Ziger-Ruedi, Gorgioff Feuermann, Giovanni, Judith, Roland, Föx
Dr Giorgioff isch dä wider ächlei früäner därfuudüsed um äs Glüätli z machä für üseri Würscht. Äm Heinz sini Risäsärvel entpuppäd sich dä bald as Ränner. Äm Namittag hät üs dä dr Tschowanni agsichts vum garschtigä Wätter ä troches Tschöppli zuägha. Mit frischem Elan sind dr Emil, Föx, Heinz und ich äds buzzä vu dä Fröschäzüüpfööl gangä. Dr Mentor hät dä im Schneegschtöber ussä nuch z Wärchzüüg putzt. Äm zwei dä, mir sind grad fertig wordä , hämmer dä, ziemlich dräggig und füächt d Arbet uufgii und hei gangä, will ja diä nächscht Wisä zum uusstächä wiss gsi isch. 4cm härrlichä Schnee und drunder d Rumex obtusifolius.
Aprilwetter
Schreibe einen Kommentar